TOPÓNIMO CALDAS DE REIS

A comezos do século XI, en tempos do rei Afonso V, “Celenes” convértese en “Kalidas”, denominación que compartirá co concello veciño de Cuntis.

A vila de Caldas conquire no século XIII o seu nome definitivo Caldas a “Rex” ou “Caldas a Rege”, nome que permite diferenciala de Caldas de “Cuntis” grazas ao nacemento na vila do rei Afonso VII (Reimundez), fillo da raíña dona Urraca e de Reimundo de Borgoña, coroado en Compostela no ano 1110. Este rei, alcumado O Bravo, foi nomeado Emperador, rei de Galicia, León e Castela polo bispo Xelmirez cando contaba só con catro anos de idade.